Muling isinailalim ngayong araw ang Luzon, Visayas, at maging ang Mindanao Grids sa Red and Yellow alert status.
Sa abiso ng National Grid Corporation of the Philippines (NGCP) – nakataas ang Red Alert sa Luzon Grid mula alas-tres ng hapon hanggang alas-kuwatro ng hapon; at Yellow Alert naman mula ala-una hanggang alas-tres ng hapon; at alas-kuwatro hanggang alas-diyes ng gabi.
Sa Visayas Grid, nakataas ang Red Alert ngayong alas-dose ng tanghali hanggang alas-singko ng hapon; at alas-sais hanggang alas-otso ng gabi; habang naka-taas din ang Yellow Alert mula alas-diyes ng umaga hanggang alas-dose ng tanghali; alas-singko ng hapon hanggang alas-sais ng gabi; at alas-otso hanggang alas-nuwebe ng gabi.
Itinaas na rin ang Mindanao Grid sa Yellow Alert mula alas-diyes ng umaga hanggang alas-kuwatro ng hapon.