Pinaghahandaan na ng Provincial Health office sa Palawan ang banta ng Monkeypox virus na na-detect na rin sa Pilipinas, ayon sa Department of Health.
Ayon kay Health Officer Dr. Erika Faye labrador, sa ngayon tulad sa COVID-19 virus ay nagsasagawa ng close monitoring ang health authorities sa mga pasahero lalo sa paliparan.
Ang mga travel history ng pasahero ay mahigpit na minomonitor ng local authorities at sa oras na may ma-detect na sintomas ay agad itong i-isolate.
Sa ngayon ay wala pang na-detect na kaso sa lalawigan pero pinapayuhan ni Dr. Labrador na ipagpatuloy ang minimum heath standard tulad ng pag-iwas sa corona virus.
Kaugnay nito, sinabi ni Dr. Beverly Ho sa DOH press briefing na batay sa mga ginawang pag-aaral mula sa mga non-endemic countries, naisasalin ang virus sa pamamagitan ng pakikipagtalik sa mga taong positibo nito na nakitaan ng mga rashes sa katawan o mayroong open wounds.