GIBAHARAN sa Davao City Transport and Traffic Management Office (CTTMO) ang mga motorista nga nakababag o nakaparada sa mga bicycle lanes nga mag-atubang og bayolasyon nga dunay tugbang nga multa.
Sumala kang CTTMO chief Dionisio Abude, anaa sa P500.00 ang penalidad sa mga sakyanan nga madakpang nakapadara sa bike lane gawas pa sa asunto tungod sa pagbalewala sa traffic signs.
Gitataw sa opisyal nga padayon pang gihan-ay sa City LGu ang pipila ka mga probisyon Bicycle Ordinance ug Traffic Code sa syudad aron haum ug tukma ang pagpatuman niini.
Gipasabot ni Abude nga kinahanglan walay nakaparking sa bike lane gawas na lamang kung dunay ihunong apan kinahanglan nga dili molagpas sa upat ka minutos ang pagpondo aron dilo maisyuhan og citation ticket kung madakpan.
Nasayrang pipila sa mga nagpakabanang lungsuranon ang nipadangat sa ilang kadismaya sa Brigada News Fm Davao human naatolan ga dunay nakaparadang kotse sa mismong bicycle lane.BNFM-DAVAO