GIPAHULAT hulat lang og gamay sa Office of the Senior Citizens Affairs o OSCA GenSan ang mga senior citizens sa ilang social pension.
Matud pa ni Celso Mendoza, OSCA GenSan head nga naka-schedule na niadto pang Mayo 17 ang pag-release sa maong social pension apan wala gitugutan sa local IATF tungod sa pagtaas sa kaso sa COVID-19 ug bawal ang mass gathering.
May proposal na usab ang OSCA GenSan sa local IATF aron ma-release ang maong social pension tungod kinahanglanon usab kini sa mga senior citizens.
Segun niini mokabat sa 11,697 ang mga senior citizens sa 26 ka barangay sa GenSan ang naghulat sa ilang social pension.
Samtang gibutyag ni Mendoza nga anaa na sa second reading sa Kamara ang dugang P500 nga social pension sa mga senior citizens aron nga mahimo nang P1,000 kung maaprobahan.