Sisimulan na ang pagpapatayo ng Poblacion-Bagunot Bridge sa Baggao, Cagayan matapos ang isinagawang groundbreaking activity ngayong araw ng Department of Public Works and Highways Regional Office II.
Pinondohan ng P1.080 Billion ang nasabing proyekto na mayroong span na 900 lineal meters upang makatawid sa Pared River ang libu-libong residente sa lugar.
Inaasahang makukumpleto ang konstruksiyon ng nasabing tulay sa taong 2027.
Ang nasabing tulay ay magpapagaan sa transportasyon ng mga residente sa lugar kung saan sa ngayon ay kinakailangang mamangka ang mga ito upang makatawid sa oras na tumaas ang lebel ng tubig sa ilog.