Miabot sa P21.9 million nga balor sa gituohang shabu ang nasakmit atol sa gilusad nga buy bust operation sa City Intelligence Unit sa Cebu City Police Office sa L. Tudtud Street sa Barangay Mabolo sa dakbayan sa Sugbo kagabie, Nobyembre 1, 2022.
Giila ang mga nadakpan nga sila si Christian Amistad Peña, 32 anyos, kanhi OFW og ang iyang kauban nga si Burt Jason Faborada.
Matud ni Police Brigadier General Roderick Augustus Alba ang Regional Director sa Police Regional -7 nga personal nga mi-adto human sa pagdakop sa mga drug suspect nga kapin sa usa ka buwan ang gihimong surveillance sa kapulisan una gilusad ang operasyon batok kanila.
Matud ni Police Colonel Ireneo Dalogdog, direktor sa Cebu City Police Office nga miabot sa 3 kilos sa tiguohang shabu ang nasakmit gikan sa mga dinakpan.
Giingong gikan sa iladong mga drug personality ang source sa ilegal mnga drugas sa duha apan, padayon pa nila kining gi-verify/
Subay niini, gipasalamatan ni Alba ang mga barangay opisyal sa Mabolo, ingon man si Dalogdog sa malampuson nga operasyon.///