Hugot gihapon nga gi-implementar sa buhatan sa Slaughter house ning lungsod sa Trento ang padayon nga pag pangita ug mga dokumento ngadto na sa mga katawhang buot mag pa-ihaw sa ilang mga hayop kini aron nga masuta ang matag karne nga luwas ug likay sa mga posibleng sakit.
Sa gipagawas nga impormasyon ni Marlo Salinas ang Municipal Inspector nga sa dili pa pasudlon ang baboy sa ilang buhatan nga bahin pangitaan na kini ug mga dokumento. Tumong sa ilang hugot nga pag pangita sa mga dokumento aron masiguro nga ang maong baboy luwas sa sakit nga African swine fever kun (ASF) human nga ubay-ubay na ka mga lugar ning probinsya ang nakatala sa maong sakit.
Gipaambit usab niini sa tanan nga gipaningkamutan gayud nila nga dili makasulod sa lungsod sa trento ang ASF aron luwas gihapon ang tanan mga hayop ilabina na ang mga karne nga ibaligya sa merkado.