Gitutukan karon sa Traffic Enforcement Unit sa Cagayan de Oro City Police Office ang mga lakang aron makunhuran ang aksidente sa kadalanan sa syudad luyo sa kakulangon sa ilang manpower.
Gibutyag ni Traffic Enforcement Unit Chief Investigator Police Executive Master Sergeant Jerome Diolanto nga basi sa data, mo-average og 36 ka aksidente sa dalan ang matala matag adlaw.
Gitumbok sab sa TEU nga lakip sa Top 4 Accident Prone Area sa syudad ang brgy. Carmen, Kauswagan, Lumbia ug brgy. Lapasan.
Kasagaran sa mga hinungdan niini mao ang pagbaliwala sa traffic signs, beating the red light, tail-gating, lane grabbing, unlawful speed, pagbaliwala sa traffic rules ug regulations, u-turnin, early cutting corner, pag-overtake samtang anaa sa tulay, dili paggamit sa pedestrian sa designated overpass ug pedestrian lanes, uneducate drivers o walay balido nga lisensya diin kasagaran kini matala sa highland barangays.
Sa pagpahapsay ug pagsulbad sa aksidente sa kadalanan, mirekomenda ang TEu sa pagdugang og RTA field traffic enforcer labi na sa rush hour, pag-instalar og traffic signages, massive information drive, strikto nga pagpatuman sa anti-drunk and drugged act pinaagi sa pagbaton sa LGU sa breath analyser apparatus.
Ingon man ang pag-repair ug maintainance sa depektibong traffic light ug repainting sa road markings.