MIDANGOP sa Department of Migrants Workers (DMW) 12 ang pamilya sa usa ka Overseas Filipino Worker (OFW) nga namatay sa Saudi.
Sa pakighinabi ni Maria Carolina Agdamag, officer in charge sa DMW-12 sa pamilya sa namatay’ng OFW nga si Normilita Sartagoda.
Desyembre 14, 2023 pa kini namatay human giatake sa kasing-kasing apan wala pa kauli dungan sa problema sa mga dokumento. Sama sa pag-locate sa unang pamilya niini ug pagpangeta sa orihinal nga nanag-iya sa pangalan nga gigamit niini sa pag-abroad.
Gimanduan ni Agdamag ang anak sa OFW nga kumpletohon ang mga dokumento aron makauli na kini ug dili ang motabang usab. Kalabut niini, gibutyag ni Agdamag ubay-ubay sa mga ofw ang nasuta nilang walay igong dokumento dihang mi-abroad. Giawhag usab niini ang mga OFW sa rehiyon nga dunay problema nga gilayon nga makig-alayon sa ilang buhatan sa Koronadal city. I Richel Gubalani