MAG-ATUBANG karon sa patong-patong nga kaso ang gitoohang magkarelasyon human kini masakpan sa legal nga kapikas sa usa ka lawak sa may Brgy. Kauswagan ning siyudad sa Cagayan de Oro.
Subay sa impormasyon nga gipagula sa Police Station – 4 Carmen sa pagpangulo ni Police Major Mario N. Mantala Jr., usa ka sakop sa COCPO-CMFC ang nagpakitabang sa mga otoridad human niini madiskubre nga adunay laing binuhat ang nakasulod sa ilang gi-rentahang lawak sa nahisgutang Brgy. sa pag-uli niini.
Hilayon gikasa ang police operation diin na aktuhang nasapon nga magkauban ang asawa sa Police nga si Alyas Aubrey 32-anyos, residente sa Brgy. Lumbia ning dakbayan, Samtang kauban niining lalaki nga gitoohang men in uniformed nga si Alyas Jimboy residente usab sa Talakag, Bukidnon.
Narekober gikan sa mga suspetsado ang usa ka unit sa Cal 9mm Service Firearm, SL AFP005819, Glock brand, upat ka Magazine nga loaded sa 50 ka buhing bala, usa ka unit sa Samsung A12, usa ka unit sa Samsung Keypad, ug usa ka unit sa Huawei P20.
Samtang karon detenado ang 2 sa mga otoridad diin pasakaan kini sa kasong paglapas sa Art 333 sa Revised Penal Code kon Adultery ug ang kasong paglapas sa Republic Act 10591 o “Comprehensive Firearms and Ammunition Regulation Act”. – END – (AD)