NAKADAYEG ang Public Employment Services Office o PESO-Gensan sa pagpanguna ni Nur Juanday ug sa DOLE-GenSan sa mini job fair sa Brigada Group of Companies niadtong adlawng Sabado.
Gani gibutyag sa usa ka personahe sa PESO-GenSan nga usa ang Brigada Group of Companies nga aktibo sa pag-post og mga job vacancies ngadto sa ilang buhatan.
Niadtong Sabado nga mini job fair, mokabat sa 194 ang nagpa-register online sa Brigada asa sobra gatus usab nagpatim-aw gawas sa mga walk-in asa mi-assist usab ang taga PESO ug DOLE.
Matud ni Yvanna Callego, PMD supervisor sa Brigada nga nakig-alayun sila sa PESO ug DOLE GenSan alang sa pagpahigayon sa mini job fair.
Gusto sa Brigada nga makatabang sa mga job seekers ug sa nawad-an og trabaho tungod sa pandemya labi pa nga daghan ang job opportunies sa kompanya.
Daghan usab sa mga job seekers ang nagpasalamat sa mini job fair tungod may kahigayunan sila nga makapanarbaho kung palarang madawat.