Posible nga may yara sang adjustments ang schedule of classes sa pila ka mga pampubliko nga eskwelahan sa probinsya sang Capiz bangud sa kakulangan sang classroom kag manunudlo.
Ini ang ginpahayag ni Mr. Miguel Mac Aposin, DepEd-Capiz Division Superintendent sang ma-interview sang Brigada News FM Roxas City.
Suno kay Aposin, isa na diri ang Capiz National High School bangud madamo pa sang classroom kag pulungkuan nga kulang kun sa diin himuon nga 2 shifts (half day) ang klase agud mahatagan sang kahigayunan nga makatuon ang iban nga grade levels nga wala sang room.
Dugang pa sini nga madamo man sang Integrated schools ang kulang sang manunudlo.
Gin-anunsyo man ni Aposin, nga magasugod ang Brigada Eskwela 2023 sa probinsya halin Agosto 14 tubtob 19 sini nga tuig.
Nagapanawagan man ini sa mga ginikanan kag kabataan nga wala pa nakapa-enroll nga magpadulong na sa eskwelahan agud makaprerar man ang mga manunudlo sa numero sang mga enrollees. | Judy Ann Juare