Tinatayang aabot sa 50 mga ‘food-poor’ families sa Tondo sa Maynila ang makabebenepisyo sa pilot implementation ng Food Stamp Program (FSP) ng Department of Social Welfare and Development (DSWD).
Sa Saturday News Forum – sinabi ni Social Welfare Sec. Rex Gatchalian na ikakasa nila ang unang batch ng FSP sa Tondo sa July 18.
Sa kabuoan, aabot aniya sa 3,000 indigent families ang target na beneficiaries ng Kagawaran sa loob ng anim na buwan.
Makatatanggap ang mga benepisyaryo ng digital stamps na nagkakahalaga ng P3,000 worth of food credits; pati na rin ang pagkakaroon ng nutrition development classes.
Magkakaroon din sila ng mga training programs at ‘reskilling’ para hindi maging ‘ayuda-dependent’ ang mga benepisyaryo at magkaroon ng sariling pangkabuhayan.
#