GIPANGUNAHAN ni PBGen.Rolando Destura, Deputy Regional Director for Administration sa Police Regional Office o PRO-12 ang paghatag og pasidungog atol sa flag-raising ceremony, Lunes Pebrero 27.
Ang Medalya ng Kagalingan o PNP Merit Medal gihatag ngadto sa lima ka pulis sa President Quirino Municipal Police Station tungod sa ilang meritorious performance sa pagsilbi sa Warrant of Arrest batok sa Top 1 Provincial Level ug Top 2 Municipal level most wanted person sa krimen nga murder sa Purok 4, Barangay Tinaungan, President Quirino, Sultan Kudarat niadtong Pebrero 11, 2023.
Ang mga nakadawat sa maong award mao silang; PMaj Davis Vicente Dulawan; PSSg Bobby Vegafria Nanali; PSSg Archie Ancheta Dela Cruz;
PCpl Cleynmar Barrozo Cachola ug PCpl Kristopher Solis Lapizar.
Samtang duha ka managsuong pulis nga silang Patrolman Aldrin Piloto Lastimado III ug PCpl Aldrin Piloto Lastimado Jr, ang gipasidunggan usab og PNP Efficiency Medal o Medalya ng Kasanayan tungod sa ilang performance atol sa 5th Carambunal sa Kalilangan Sa Gensan, usa ka Mindanao-wide Arnis Tournament niadtong Pebrero 19 asa gideklara silang gold ug silver medalist.
Photo by Police Regional Office 12 – Public Information Office