BICOL – MADALI nang maabot kan PNP-Bicol an siento porsientong vaccination coverage sa saindang mga personahe sa rehiyon.
Sa sarong intrivista, sinabi ni Pol. Maj. Malu Calubaquib, tagapagtaram kan PNP-Bicol, gikan sa kabuilugan na 12,893 na mga uniformed an non-uniformed personnel sa rehiyon, 12,824 o 99.46% na sa mga ini an bakunado na kontra covid-19.
Gikan sa bilang na ini, 12,091 an fully vaccinated na mantang 733 pa an naghahalat kan saindang 2nd dose.
Paliwanag kaini, may natatada na sanang sisenta sa mga personahe n dai pa bakunado dara kan man iba ibang rason siring kan relihiyon, pagbabados, may underlying illness, nagsasairarom sa medication asin mayo pang clearance gikan sa saindang mga doktor.
Mantang padagos soboot an saindang lado sa pagpapakusog kan saindang mga lakdang tanganing malabanan an COVID 19 sa rehiyon.
Sa ngunyan soboot nakadesignar an saindang personahe kasabay an iba pang force multipliers sa mga ipigdesignar na quarantine control points (QCPs) sa man iba ibang parte kan rehiyon, mantang padagos man an deployment kan mga medical reserve forces tanganing umalalay man sa mga vaccination activities.
Nagtitiner soboot an saindang lado sa “full alert status” tanganing macierto an kahandaan sa pag responde oras na kaipuhan an saindang serbisyo urog ngunyan na bako sana sa pagkortar sa kriminalidad an saindang tinatawan atensyon.