Nadugangan pa it ap-at ka mga lugar sa Western Visayas ro ginapaidaeom sa pandemic Alert Level 3 makarang adlaw, Enero 14.
Ray hay ro siyudad it Bacolod, Aklan, Capiz, ag Antique. Ro nasambitan nga alert level hay magabuhay hasta Enero 31, base kay presidential spokesperson Karlo Nograles.
Base pa kay Nograles ro pag-abo it mga kaso it COVID-19 sa ap-at ka mga lugar ku nagtaliwan nga mga adlaw hay naging rason agud ro pandemic task force it gobyerno hay igapa-idaeom raya sa mas mahugot nga alert level.
Sandig sa datos it Department of Health (DOH)-Western Visayas, may 541 ka mga bag-ong kaso it COVID-19 sa rehiyon, samtang may 41 ka recovered nga mga pasyente ag pito ro mga namamtay.
Sa kabieogan ro Rehiyon 6 hay may 148,619 ka mga kaso it COVID-19 umpisa kat pandemya daywang taon eun ro nagtaliwan./JIL B. LACSON