Tumaas na rin maging ang presyo ng bigas sa pamilihang bayan sa Olongapo City.
Ayos sa may-ari ng isang bigasan sa lungsod, sa ngayon ay tumaas na ng 20pesos ang kada 25 kilos ng local at imported rice.
Ito ay kasunod ng mga pagtaas rin ng presyo sa produktong petrolyo nitong mga nakalipas na buwan.
Maliban pa dito ay mahal na rin ang abono kaya wala rin umanong magawa ang mga nagtitinda kundi magdagdag presyo.
Matatandaan na una nang nagbabala ang Samahang Industriya ng Agrikultura (SINAG) na posibleng tumaas ang presyo ng bigas mula sa P3.00 hangang P4.00 kada kilo bunsod ng mataas na transportation cost ng mga magsasaka.//Jen Bayot-BNFM Olongapo
