KALIBO, AKLAN—Nakalista it panibagong kaso it Beta variant do probinsya it Aklan sandig sa pinakaulihing batch it specimen nga ginpadaea sa University of the Philippines-Philippine Genome Center (UP-PGC).
Bangud kara, ap-at eon do numero it Beta (B.1.351) variant cases sa Aklan apang do panibag-ong kaso hay owa pa it kadugangan nga impormasyon kung active cases ukon naka-recover eon.
Base man sa ginpaguwa nga press release it Department of Health 6 sa 23 Beta variant cases sa rehiyon, 16 kara hay halin sa probinsya it Iloilo, tig-daywa sa Capiz ag Iloilo City ag tig-sambilog sa Antique ag Negros Occidental.
Do UP-PGC hay nakalista man it pitong Alpha cases sa Antique, ap-at sa Iloilo City, daywa sa Iloilo Province ag tig-sambilog sa Capiz ag Negros Occidental samtang nakadetect man it P.3 variant sa Iloilo City, Bacolod City, Guimaras ag Iloilo Province.
Nasayuran nga ku nagtaliwan nga buean, una sa 31 swab samples maghalin sa 12 banwa sa Aklan do ginpadaea sa UP-PGC pinaagi sa Department of Health regional office agud nga ipaidaeom sa genome sequencing. // SHERRY ANNE REUNIR-VIDAL