LEGAZPI CITY – May paglilinaw ang Public Safety Office (Daraga) hinggil sa isyu ng Night Market sa bayan kung saan mayroon umanong mga sinaway dahil sa hindi pagsunod sa tamang oras ng pagtitinda.
Sa panayam ng Brigada News FM Legazpi kay PSO Head, nilinaw niya na wala namang pagbabago sa ordinansa, subalit ang kagustuhan lamang nila ay ang isaayos lahat ng mga nagtitinda rito.
Matagal na umanong ipinatupad ng PSO Daraga na ang oras upang magsimulang magtinda ay mula alas syete ng gabi hanggang alas singko ng umaga.
Ngunit, aniya, ang nangyayari sa ngayon ay wala pang alas syete ng gabi, nagsisipaglatag na ang mga manininda ng kanilang mga paninda.
Dahil dito, ini-enforce nila kung ano ang mismong nakalagay sa ordinansa na kung makita nilang sila ay nag-uumpisa nang magtinda kahit hindi pa naman oras, kanila itong huhulihin dahil sa hindi pagsunod.