GIDUSO sa komitiba sa Labor and Overseas Employment ang sugyot balaudnon nga nagamugna og Public Overseas Filipino Workers Desk sa General Santos City ug ang pagmugna og Coordinating Council.
Sumala sa author nga si Konsehal Jose Orlando Acharon nga ang opisina sa Public Employment Service Office kon PESO ang usa sa nagaduso sa mao nga balaudnon.
Sumala sa labaw sa Peso Gensan nga si Nur Juanday wala pay lokal nga balaud nga naduso alang sa Public Overseas Filipino Workers Desk ug kon mahimo kini sa Sanggunian mao kini ang pinakauna.
Sumala usab kay Konsehal Elizabeth Bagunoc nga mas maayo kon mapasar ang mao nga balaudnon aron nga may klaro na nga giya sa pagtabang sa mga OFWs, unya ang pakig alayon sa mga opisina sa goberno sama sa Department of Migrant Workers, Department of Foreign Affairs, Overseas Workers Welfare Administration, Philippine Overseas Employment Administration, National Labor Relations Commission, Department of Trade and Industry ug Department of Labor and Employment.
Ang sakop sa sugyot balaudnon ang mga OFWs nga taga General Santos City unya ang chairperson sa sugyot nga Coordinating Council mao ang City Mayor ug Vice Chairperson ang labaw sa komitiba sa Labor and Employment sa Sanggunian. I Ver Diazon