Nag-uli ang duha ka pulis ug usa ka pitaka nga adunay sulod nga kantidad ug 7,260 pesos, sa Ozamis City Police Station kagahapong adlawa sa alas 10:57 sa buntag.
Matud pa, nga samtang nagpahigayon ang kapulisan ug usa ka training program, adunay nakit-an nga pitaka ang duha ka mga kapulisan nga si Caorong Nasser Jr. ug si Police Senior Master Sergeant Joemel S. Viadnes, ang mao nga pitaka adunay sulod nga driver’s license, atm ug kwarta nga nagkantidad ug 7260 pesos.
Sa pagkakita nila sa pitaka, giuli gilayon nila sa Ozamis City Police Station arun makuha ug mapahibalo na kini sa maong tag-iya.
Ang pag uli sa pitaka usa ka maayong ehemplo dili lang sa mga kapulisan, ilabi na sa mga katawhan sa pagbuhat ug maayong butang sa isigkatawo.(Cj Lozano)