“Armed and dangerous” raya ro ginpahayag Iloilo Police Provincial Office (IPPO) sa sambilog ka pulis nga na-tag bilang nagapanguna nga pugante sa Region VI.
Ginkilaea it Philippine National Police (PNP) si Senior Police Officer 1 (SPO1) Arnold Lizada it Iloilo Police Provincial Office bilang sambilog sa 11 most wanted persons sa Western Visayas bangud sa kasong murder.
Ku Disyembre 31, 2015 ginbaril ni Lizada si Inspector Christian Lee Nelmida, 2nd Maneuver Platoon leader bangud may natabo nga uwa pagkakaintindihan sa tunga it daywa.
P140,000 nga pabuya man ro igata-o it mga otoridad sa sin-o man nga makata-o it impormasyon agud maaresto si Lizada./JIL B. LACSON