MISAMOT pa og kahuyang ang pwersa sa rebeldeng New People’s Army kon NPA human lainna usab nga kanhing taas nga opisyal niini ang nakadesisyong mobalik na sa sabakan sa balaud.
Si Jeepy Sabino alyas “Sam” residente sa Brgy. 3-A ning syudad sa Davao, kanhi Guerilla Front 51 Secretary sa NPA ang misurender ngadto sa Headquarters 3rd Infantry Battalion sa Philippine Army ilawom sa 10th Infantry Division sa Quezon Bukidnon Agosto 18, 2021.
Dala niini sa iyang pagtahan ang M16 rifle ug gitugyan ngadto kang LtCol. Juvenal Mark Tayamen ang Commanding Officer sa 3rd IB.
Sumala ni Sabino, nakadesisyon siya nga mobiya na sa kalihukan tungod sa wala pagsinabtanay sa hisgutanang pinansyal ug ang hinay-hinay nga pagkabungkag sa ilang kawsa.
Gidayeg usab ni 10th ID Commanding General Major General Ernesto Torres Jr. ang tropa sa 1003rd Brigade ug 3rd IB sa paningkamot ug pagkumbinsi kang Sabino nga mosurender.
Ang nahisgutan ang takdang ipailawum sa Enhance Comprehensive Local Integration Program kon E-CLIP alang sa mga benipisyo nga iyang makuha.