GIKALIPAY sa simbahan ang revocation sa business permit sa Sagitarrius Mines Incorporated o SMI sa LGU-Tampakan.
Segun ni Fr. Angel Buenavidez, Vicar General sa Diocese of Marbel nga gamayng kalampusan kini nga makatabang sa pagbabag sa simbahan ug anti mining group ang pagpaundang sa operasyon sa SMI.
Gihingusgan ni Buenavidez nga dili lang sa economic apan sa ecological aspect ang angayang tan-awon tungod dili mabugtian sa kalambuan ang pagkadaut unya sa kinaiyahan.
Bisan nga temporaryo lang nga naundang, apan padayun ang panawagan sa katawhan nga magbinantayon ug padayung babagan ang open pit mining sa unsa mang mga porma sa South Cotabato apan sa tibuok rehiyon tungod daghan ang maapektohan.
Sa karon, ginaduso usab sa anti mining group ang pagtumbok sa mga
non negotiable areas sa mga watershed areas, forest reserves, water sources ug uban pa aron dili mahilabtan ug maprotektahan tungod alang kini sa mga kabataan o umaabot nga henerasyon.
Nasayran nga Setyembre 15 gibawi sa LGU-Tampakan ang permit sa SMI ug gipadlak ang buhatan niini sa maong lugar human nasuta nga
sa SMI napatik nga “mineral exploration manufacturer” ang ilang negosyo apan nasuta nga nag-operate ang kompanya isip general engineering contractor.