Itinigil na muna ng Rural Health Unit o RHU ng San Marcelino ang pagsasagawa ng antigen testing sa mga essential workers sa lugar.
Ito ay dahil sasailalim sa quarantine at swab test ang mga empleyado ng kanilang opisina.
Matatandaan na noong nakalipas na Sabado ay limang mga health workers sa RHU San Marcelino ang tinamaan ng virus kaya napilitan ang RHU na itigil muna ang pagsasagawa ng antigen test sa mga essential workers.
Samantala pinayuhan naman ng lokal na pamahalaan ang iba pang mga gustong magpa-antigen test na pumunta na lang sa border checkpoint ng Subic para magpasuri.//Michelle Lopez-BNFM OLONGAPO
