Nagpahinumdom ang City Tourisms Operations Office (CTOO) nga nagpabilin gihapon nga rekisitos ang pagpresenta og test before travel o 24-72 hours negative COVID-19 RT PCR test result o Saliva Test sa tanang air passenger atol sa pag-abot sa Davao International Airport.
Sumala sa CTOO nga bisan paman nga fully vaccinated ang usa ka pasahero kinahanglan gihapon kini nga mupakita og negatibong resulta sa Davao Airport hinungdan nga hugtanong kining ginapangita.
Giklaro sab sa buhatan nga dili na kinahanglang mupailawom ang domestic passenger og quarantine inay mamahimo na lamang kining magself-monitor ug home quarantine kung nagbaton kini og sintomas sa Covid-19 sulod sa pipila ka adlaw.
Samtang alang sa mga byahero gikan sa international flight, kinahanglan gihapon mupresenta og susamang rekisitos. Gawas niini, kinahanglan gihapon tumanon ang quarantine period subay sa IATF Resolution 114 and 123-c Series of 2021.