Gideklara sa Regional Oversight Committee Barangay Drug Clearing Program (ROCBDC) ang unom ka barangay sa Asuncion, Davao del Norte isip drug-cleared barangay atol sa gilusad nga aktibidad sa miaging Biyernes sa Asuncion Sports and Cultural Center, Asuncion, Davao del Norte.
Gipangunahan ni ROCBDC Chair ug PDEA-XI Regional Director Aileen Lovitos ang pagdeklara sa Barangay Buan, Napungas, Pamacaun, New Loon, Sta. Felomina ug Sonlon human nga nipasa sa parametro nga gitakda sa PDEA Memorandum Circular Number 2021-041 ug Dangerous Drugs Board Regulation Number 4, Series of 2021.
Samtang gikumpirma usab nga “Unaffected Barangays” ang Barangay Kanaan ug San Isidro sa Island Garden City of Samal sa naasoy nga probinsya.
Nisalmot usab sa aktibidad ang mga lokal nga opisyal sa lungsod sa Asuncion, BADAC Members ug ubang stakeholders.BNFM-DAVAO