GIPAHIGAYON ang security briefing sa General Santos City Police Office kauban ang mga COP sa 8 ka mga presinto, personahe sa Joint Task Force Gensan, City Disaster Risk Reduction Management Council, Traffic Enforcement Unit ug LGU-Gensan alang sa umaabot nga kalag-kalag o Undas 2022.
Gibutyag ni PCol. Jomar Alexis Yap ang city director sa GSCPO nga karong adlawa mugawas ang resulta sa ilang mga security plans ug kung pila ang angayan nilang ideploy nga mga police personnels sa matag area of responsibilities ug sa mga sam-ang sa dakbayan ug mga public terminal alang sa mga pag bantay sa seguridad sa mga mubyahe padulong sa mga nagkadaiyang probinsya sa paghinumdom sa ilang mga kabanay nga mitaliwan na.
Gihangyo usab sa maong opsiyal ang publiko nga makig kooperar sa mga otoridad aron magbilin ang kahapsay ug kalinaw sa subling pag abli sa mga sam-ang sa siyudad human ang 2 ka tuig nga pagsirado niini sa publiko tungod sa nasinatiang pandemiya. I MJ Fernandez