HINAY ang palit sa tinda nga gulay ni Veolita Marcelino sa City public market tungod sa epekto sa ulan nga dala sa localized thunderstorms.
Nagsugod siya og display sa iyang baligya alas 7 sa buntag apan naa pa lang sa P2,000 ang iyang halin ug wala pa nakabawi sa P4,000 nga kapital sa gipamalit nga gulay. Ang gulay nga madunot ug dili matud pa mahalin ilabay na kay wala nay mopalit.
Kini ang nahimong problema sa Ginang kay daghan matud pa siya og bayronon unya wala siyay ginansya. Naglaom kini nga sa umaabot nga mga bulan makabawi siya ug daghan ang mopalit sa iyang tinda nga mga gulay. I Enamie Mogpon