Ginpabonggahan it probinsiya it Antique ro kahueugan it Paskwa sa tunga it pandemya sa pag-umpisa it Binirayan Festival ku Disyembre 1, 2021.
Naghiwat it opening salvo bilang pag-umpisa it selebrasyon it Binirayan Festival ro probinsiya nga tuyo i-selebrar ro kultura ag makasaysayan nga pamana it Antique paagi sa paghiwat it mga personal ag virtual activities para sa selebrasyon.
Kaeakip sa opening salvo ro pagbukas it mga iwag sa parke, fireworks display, ribbon cutting sa Tanuman Festival, laser lights display, ag pagpatigayon it Lin-ay Kang Antique 2021 candidates.
Ro nasambitan nga selebrasyon hay pagpahanumdom sa mga residente it Antique sa kultura ag historikal nga importansiya it Binirayan./JIL B. LACSON