Blangko pa ang kapulisan sa Tagum City kung unsay motibo nga naglimin sa pagpatay sa usa ka senior citizen sa miaging Sabado sa buntag.
Natigayon ang krimen sa Purok Manga, Brgy. Mankilam, Tagum City pasado alas 9:00 sa buntag kung asa giila ang biktima nga si Ruben Aguanta Agudera, 63-anyos, minyo, mag-uuma nga nagpuyo sa maong dapit.
Nigawas sa imbitigasyon nga gipusil sa duha ka wala mailang kriminal ang tigulang ayha daling misibat sa wala matinong dereksyon.
Motibo ug ilhanan sa mag suspek ang padayong gipanubayan sa kapulisan sa Tagum City aron mahatagan og hustisya ang kamatayon sa biktima. BNFM-DAVAO