Nanguna si Interior Secretary Benhur Abalos sa top performing Cabinete secretaries ni Pangulong Bongbong Marcos batay sa pinakabagong RP-Mission and Development Foundation Inc. (RPMD) “Boses ng Bayan” survey.
Nakakuha si Abalos ng 91% job performance rating, at 93% trust rating.
Mababatid na pinamumunuan ng opisyal ang Department of the Interior and Local Government (DILG) na siyang responsable sa pagpapanatili ng kapayapaan, makapagtitiyak ng kaligtasan, at makapagpapatibay ng local governance.
Sinusundan si Abalos ni Social Welfare Secretary Rex Gatchalian na may 89% job approval rating, at 91 trust rating; Tourism Secretary Christina Garcia Frasco na may 87% job satisfaction rating, at 89% trust rating; at Department of Budget and Management (DBM) Sec. Amenah Pangandaman na nakakuha naman ng 85% job performance score, at 87% trust rating.