DUNGAN sa labing ulahing insidente sa pagpamomba sa unit sa bus sa Isulan, Sultan Kudarat alas-12:20 sa hapon, Lunes nga gikasamad sa pito katao.
Gimandu na ni Police Brig. Gen. Jimili Macaraeg, director sa Police Regional Office (PRO-12) ang special investigation task group (SITG).
Tumong ang mapa-paspas ang imbestigasyon o pagtumbok sa mihimo sa krimen ug motibo sa pagpabusikad sa unit sa double- decker sa husky bus. Matud ni Macaraeg, gisaka na sa pinakataas ang alerto sa tibuok Soccsksargen aron pugngan ang posibleng pagsubli sa insidente.
Gipasuta usab sa opisyal kung dunay nadawat nga extortion demand ang kompanya bag- o paman nahitabo ang pagbusikad sa gituohang improvised explosive device (IED). Ang bus ang gikan sa Cotabato nga padulong sa General Santos City.
Nahitabo ang pagbusikad samtang nakaparada ang bus sa terminal. Nobyembre 2022, gipabusikad usab ang usa ka unit sa Yellow Bus Line, Inc. sa silingang lugar nga mao ang Tacurong City nga miresulta sa pagkamatay sa usa katao ug gikasamad sa dosena ka indibidbwal. I Richel Gubalani