Gilantaw karon sa Bureu of fire protection nga ang solar nga maoy nagsilbing kahayag sa kagabhion sa duha ka mga biktimang Person with Disability (PWD) maoy hinungdan sa sunog sa Purok Kaunlaran, Brgy. Saloy, Calinan District ning dakbayan sa Davao.
Kini ang gibutyag ni SFO4 Ramil Gillado, hepe sa intelligence and investigation section sa Davao City Fire District atol sa pakighinabi sa Brigada News Team.
Gibutyag sa opisyal nga ang magsuon nga sila Lex Antiga Romero, 14 anyos ug Loygie Antiga Romero, 13 anyos, dunay sakit nga polio ug mentally challenge.
Dugang ni SFO4 Gillado, nga gibiyaan nga nangatulog ang duha ka menor de edad atol sa pag-ulbo sa kalayo gumikan nagtambong matod pa og haya sa ilang uyuan ang amahan ug mga manghod samtang nangita usab og trabaho ang inahan niini.
Nasyaran nga nagsugod ang kalayo sa kwarto sa mga biktima ug dili kini makahimo sa pagbalhin sa laing lugar gumikan sa ilang gihambin nga balatian.