KORONADAL CITY- UMUPO na ang bagong provincial director ng South Cotabato Police Provincial Office (SCPPO) na si Police Colonel Cydrick Earl Tamayo.
Bago ang kanyang assignment sa lalawigan, si Col. Tamayo ay nagsilbing chief ng Regional Finance Service Office o RFSO ng Police Regional Office o PRO 12 at dati rin itong umupo bilang acting police director ng Cebu City Police Office (CCPO).
Ito ang pumalit kay Police Col. Nathaniel Villegas na inilipat sa MIMAROPA bilang regional chief of staff.
Ang turn-over of command ay isinagawa kahapon sa Provincial Headquarters sa pamumuno ni PRO 12 Regional Director Police Brigadier General Jimili Macaraeg at ni South Cotabato Governor Reynaldo Tamayo Jr.
Samantala, pinasalamatan naman at pinuri ni Governor Tamayo ang magandang serbisyo at performance ni Col. Villegas na tinawag nitong silent performer.
