Arestado ang tulo ka mga lalaki human nasakpan nga namaligya sa mga pirated CD’s, DVD’s, ug pornographic film diha sa Barangay Magsaysay, Placer, Surigao del Norte kagahapong adlawa.
Ang mga dinakpan nailang sila Diosdado Corsado, Jr., 42 anyos, ulitawo, residente sa Purok Mauswagon; Maic Amikir, 42 anyos, minyo, nagpuyo sa Purok Mapaso; ug Ranel Pabalate, 41 anyos, minyo, pulos sakop sa maong barangay.
Sa impormasyon sa CIDG Surigao del Norte, nakuha gikan sa posisyon sa mga nahisgotan ang 2 ka P100 bill isip buy bust money, 4 ka buok pirated DVD’s ug CD’s isip buy-bust item, 1100 pirated CD’s ug DVD’s, ug 5 ka porno CD’s.
Gibana-banang nagkantidad ang tanang nakompiska sa P55,000.
Kasamtangan, gitanggong ang mga nahisgotan sa CIDG Surigao del Norte.