Boluntaryo nga sumurindir ha mga otoridad an usa nga suspek nga mayda katorse (14) nga kaso nga pagtalapas ha PD 449 o cock fighting law ha Palo MPS dida han Hunyo 27, 2023.
Kinilala an suspek nga hi Pelagio Rudas Tecson, 54 anyos ngan residente han Real St, Tanauan Leyte.
Ha nakuha nga impormasyon han Brigada News Fm Tacloban, an suspek nga hi Tecson in bulontaryo nga sumurindir ha Palo PNP kun diin mayda ini ginkaka-atubang nga katorse nga kaso han pagtalapas ha PD449 o cock fighting law ha gin-ginpalusad nga mandamyento de-aresto ni honorable Lolita Mercado presiding Judge han branch 46 Regional Trial Court Tacloban, nga mayda ginrekomenda nga piyansa nga P420,000.
Dayon la naman nakapagpiyansa an suspek.
Samtang, nagpahinumdom an mga otoridad ha publiko nga nagdudumara hin iligal nga tupada ngan huygo nga deri hira maundang pandakop tubtob nga nagpapadayon pa an mga iligal nga aktibidadis.