Tungod sa kadaghang mga public utility vehicle, food delivery service riders nga kinahanglan ipaialwum sa swab test, posibleng malugwayan pa hangtud bulan sa Mayo ang testing.
Subay sa datus, target sa City Health Office nag maka test og 500 ka drayber matag adlaw apan kung sumahon anaa lamang sa 6000 matag semana ang mapailawum niini.
Sa kinatibuk-ang ihap sa mga PUV drayber sa Davao City anaa sa kapin 20,000 ang narehistro sa City Traffic and Transport Management Office wala pay labot ang mga anaa sa food delivery sector busa kulang ang gitakda nga schedule nga Mayo 8 aron matest ang tanang drayber.
Tungod niini gibutyag ni Dr. Ashley Lopez nga dako ang posibilidad nga muluntad pa hangtud Hunyo karong tuiga ang swabbing.
Hinoon ginalaraw sa CHO ang pagmuntar og daghan pang swabbing sites.