GITOKI sa Konseho ning siyudad sa Cagayan de Oro human gireklamo ang gitoohang taas nga burial fee sa boot magpakalot ug magpalubong sa Bolonsori Public Cemetery ning dakbayan.
Human kini gipatawag sa Komitiba sa Environment nga gipangunahan ni Konsehal Enrico D. Salcedo ang kadagkoan sa CLENRO ug ang Bolonsori City Memorial Park Laborers Marketing Incorporated alang mahatagan sa katin’awan ang mga hintungdan nga mi-reklamo sa taas nga balayronon.
Alayon usab kini sa re-development nga nahitabo sa sam-ang diin gisugdan na ang pagkalot og balhin ang pipila ka minatay sa bag’ong Colombarium o lubnganang proyekto sa siyudad.
Unang gibutyag ni Sol Mosqueda,head sa Re-development of city cemetery ang gihimong koleksyon nga iya ra sa kooperatiba ug walay kalabutan niini ang dakbayan.
Pamahayag ni Konsehal Salcedo nga misubay lamang ang Kooperatiba sa ensakto og posible kining nasagulan sa politika hinungdan sa maong isyu.
Samtang mi-resulta ang panagtigom sa pag-uyon nga ubsan ang kolektahon sa kooperatiba nga bayad alang sa pagbaton og serbisyo ngadto sa mga magpakalot ug lubong sa maong sam-ang. – END – (AD)