HINGPIT na nga naka-file sa ilang kandidatura ang bando sa Achievement with Integrity Movement kun AIM alang sa 2022 elections.
Gipangunahan kini ni Idol Brigada Elmer V. Catulpos nga nagpapili isip mayor sa GenSan.
Sa press con nga gipahigayon human sa iyang pag-file, giangkon ni Catulpos nga ang iyang talento, skills ug kasinatian ang maoy iyang magamit sa pagpalambo sa syudad ug nanghinaut nga suportahan siya sa katawhan.
Samtang sa pangutana nga lisod ang pagpildi sa partidong RCR ug PCM gibutyag ni Catulpos nga lisod kini sa mga tawo nga dili mutuo ug sa mga tawo nga madala ra sa kwarta.
Apan sa gihapon gibutyag nga magdependi gihapon ang tanan sa katawhan.
Sa ilang grupo karon nga gidala ang kolor puti subay sa gisul-ob nila atol sa filing sa COC giangkon ni Catulpos nga ilang ipakita ang non traditional approach sa katawhan ug dili sila konektado sa kasamtangang anaa sa gobyerno nga nalambigit sa kurapsyon.
Ang negosyanteng si Jay Omila mipapili isip lone congressional district representantive sa GenSan ug si kanhing city councilor, Atty.Arturo Cloma mipapili isip vice mayor.
Gikumpleto ang linyada sa AIM nilang Brigador Atty. Kan Balleque, anchor sa Tira Brigada ug Dyll Bartolaba, host sa Morning Hataw sa Brigada New TV.
Kauban sa bando silang former city councilors Virginia Llido ug Minardo Avila, Dr. Ben Pagarigan, Bebe-i Gonzales, Dino Barrientos, George Anas, Mike Tanzo, Alfredo Santander, Abel Sosobrado, ug Jay Berame.