ANG tingog sa mga kabus ang dalhon sa konseho ni Atty. Kan Balleque nga mipapili isip konsehal sa GenSan sa 2022 elections. Kini ang gipamahayag ni Atty.SM human ang malampusong pag-file sa bando sa Achievement with Integrity Movement kun AIM alang sa 2022 elections miaging adlaw sa pagpanguna ni Idol Brigada Elmer V. Catulpos nga mipapili isip mayor sa GenSan.
Alang kang Atty.SM nga kung palaron siya sa eleksyon, prayoridad niini ang paghimo og balaudnon alang sa mga kabus.
Gani, ang iyang battlecry mao ang Pirmeng BARUG nga gihatagan niini og pagsabot nga B-alang sa Boses ng Masa, asa mahimong tingog kini sa mga kabus, A-author sa makabuluhang legislasyon.
Samtang ang R- responder sa katawhan ug padayun nga mahimong kasumbungan sa katawhan, U-Upakero sa mga pasaway ug gamiton ang privilege hour aron nga banatan ang nanghinobra ug walay gihimo samtang anaa sa gobyerno ug G- Gabay sa karapatan, hustisya ug demokrasya.
Dugang ni Atty.SM Balleque nga ang kasinatian niini kaniadto isip naglisod sa kinabuhi, ang nakaaghat kaniya nga mopapili tungod gustong makatabang sa mga susama kaniya nga nakasinati sa kakabus ug aron makabilin og legasiya sa katawhan isip paghatag balos usab sa kaayohan ni Idol Brigada Elmer V.Catulpos nga gustong mahimong sunod nga Singapore ang GenSan.