CAMARINES NORTE- Pinagkalooban ng cash incentives ang tatlumpung Senior Citizen na edad 90 pataas sa bayan ng Daet
Nakatanggap sila ng insentibo na nagkakahalaga ng 20,000 pesos at Certificate of Recognition na mula sa nasabing lokal na pamahalaan
Personal itong ipinamahagi ng mga kawani ng Office of the Senior Citizen Association (OSCA) at Federation of Senior Citizens Association
Ang pinakabata sa tatlumpung Senior Citizen na nasabing benepisyaryo ay 92 years old na si nanay Loreta Pante ng Barangay I at ang pinakamatanda naman ay si nanay Aurora Remot, 101 taong gulang na mula naman sa Barangay Camambugan
Ang pamamahagi ng cash incentives ay alinsunod sa Ordinance No. 368-2020 na kung saan binibigyan ng pagkilala at karagdagang benepisyo ang mga senior citizens na edad 90 pataas na residente ng bayan ng Daet.
