Padayun ro pag-viral makarun it tatlong lola nga taga Barangay Pinamuk-an sa banwa it New Washington, Aklan.
Raya hay matapos i-upload it sangka youtube vlogger nga si Mr. Angelo Delos Santos nga taga Brgy. Tambak, New Washington, Aklan ro andang video nga nagakanta it ‘Ikaw lamang ang aking iibigin’.
Sa post sa youtube ni Delos Santos nga sangka meter reader sa Aklan Electric Cooperative (AKELCO), may titulo raya nga ‘The amazing singing Lola’s from Aklan’.
Makita sa video ro sangka lola nga si ‘Lola Inday’ 87yo ro naga-gitara samtang ro daywang lola nga sanday ‘Lola Lucing ag Lola Olping nga parehung 91 anyos man ro nagakanta.
Sa interview it Brigada News FM Kalibo kay Mr. Delos Santos, may gin-agtunan eamang imaw sa nasambit nga barangay ag naagyan nana ro tatlong lola nga nagakanta ngani ana raya nga ginboe-an it video bilang remembrance ag gin-upload sa youtube.
Nakibot segun si Delos Santos nga umani raya it maabung views nga umabot sa 6.4 million ag 15k shares ngani overwhelming man segun ro anang pamatyag. / ANN DESLENE SALAZAR