PATAY ang tigpayuhot og iligal nga droga human nga misukol atol sa gikasang drug buy bust operation sa mga sakop sa Sta. Ana Police Station kagahapon sa hapon sa Purok San Marcos, Brgy. Centro Agdao, ning syudad sa Davao.
Giila ang suspek nga si Raffy Gaas alyas Aping, Top 3 Regional Level HVI. Nakuha gikan kaniya ang gibana-banaan nga 4.85 grams nga gibug-aton sa gituohang shabu nga dunay Standard Drug Price nga Php 32,980.00.
Atol sa maong operasyon, misukol sumala pa ang suspek nga maoy hinungdan sa pagbinayloay og bala nga miresulta sa kamatayon ni alyas Aping.
Gawas sa iligal nga droga, nakompiska sab sa kapulisan ang usa ka unit sa Taurus caliber .38 revolver special.
Wala hinooy nasamdan o angol sa kabahin sa kapulisan atol sa maong operasyon.