Pilason ang isa ka tigulang matapos malapakan sang Backhoe sa Crossing Talabahan, Brgy. Pob. Sur, Ivisan, Capiz.
Ginkilala ang biktima kay Romeo Condino, 62-anyos, residente sang nasambit nga lugar.
Samtang ang driver sang Backhoe kag ginatudlo suspek amo si Jonathan Alcorano Boday, 40-anyos, residente sang Sitio Pili, Brgy. Dinginan, Roxas City.
Sandig sa imbestigasyon sang Ivisan Municipal Police Station, samtang ginasubay sang Backhoe ang dalan halin sa Aklan-Capiz crossing padulong sa Arriva Ivisan Rotonda, Pob. Norte, ginapahayag nga nag-overtake ini sa bisikleta nga ginasakyan sang biktima.
Nasangit sang Backhoe si Condino rason nga natumba ini sa karsada kag nalapakan sang kariton ang iya tiil kag tiyan.
Madasig naman nga nagresponde ang BFP-Ivisan kag ginpadangat sa Capiz Memorial Provincial Hospital ang biktima para sa nagakaigo nga pagbulong. | Judy Ann Juare