Nalampasan ng Minnesota Timberwolves ang host na Philadelphia 76ers sa kanilang double overtime game na nagtapos sa 121-120, salamat sa layup ni Taurean Prince sa huling 4.8-seconds.
Nanguna si D’Angelo Russel sa panig ng Timberwolves na may 35 points habang nagdagdag naman si Karl-Anthony Towns ng 28 points at 10 rebounds bago ito na-foul out.
Para naman sa panig ng 76ers, ay naitala ni Joel Embiid ang 42 points at 14 rebounds.
Sa ikalawang overtime ay na-block ang tira ni Embiid kasabay ng pagtapos ng oras.
Mababatid na kababalik lamang ni Embiid mula sa tatlong-linggo na pagpapahinga dahil sa COVID-19.