SUBLING nanawagan ang Department of Interior and Local Government (DILG) sa LGU nga i-ban ang traysikel, sikad ug bisikleta sa highway.
Ang labing ulahing memorandum sa DILG ang human dunay pedicab nga nabanggaan og usa ka sakyanan sa kaulohan.
Sa bahin ni Rilimin Sandoval, city director sa DILG-GenSan, dugay na ang mandu nga i-ban sa maong klase sa sakyanan sa nationa highway.
Kini aron makonhuran ang road crash o bangga sa national highway. Dugang ni Sandoval, kini ang rason usab sa pagmugna og route-plan dungan sa gihimong modernization program sa mga PUV.
Sa bahin ni Police Major Oliver Pauya, Chief of Police Traffic Enforcement Unit (TEU) angayang hugot nga ipatuman ang balaud aron makonhuran ang road crash.
Asa sa datus sa TEU ubay-ubay insidente sa bangga sa GenSan ang nahitabo sa national highway. Dugang ni pauya sa hugot nilang pagpatuman sa probisyon sa Republic Act 4136 o Land Transportation Code kalabut sa saktong pagggamit sa inner ug outer lanes sa major roads ug national highways. I Richel Gubalani