ANGOL ang tulo ka sakay sa motorsiklo human nga nakasugat og disgrasya sa National Highway kanto Purok Tahimik Road, Barangay Baluan pasado alas 7 sa gabei Desyembre 5 sa kasamtangan nga tuig.
Subay sa talaan sa Traffic Enforcement Unit kon TEU ang mga nadala sa Dr Jorge P Royeca Hospital ang mga sakay sa Rusi nga Motorsiklo nga silang Edna Estillore 60 anyos nga taga Zone 3 Purok Matinabangon Labangal,RubynJune Estillore 36 anyos og Benn Openiano nga pulos taga Labangal.
Sa imbestigasyon sa Traffic PNP gikan sa Lagao padulong sa Buayan ang Motorsiklo nag aksyon og liko sa kanto Purok Tahimik Road pawala dinhi nasungkit sa nagsunod nga sakyanan,usa ka Pickup nga gi manihoan ni Rolly Nisperos nga taga Barangay Dadiangas East Gensan.
Nalagpot ang motorsiklo padulong sa agianan sa kasugat nga sakyanan mao nga naigo usab kini sa Multicab nga gikan sa Buayan padulong sa Lagao,gina manihoan kini ni Edwin Ramirez nga taga Alabel.
Tungod niini temporaryo una nga gi hold ang mga sakyanan og ang mga lesensya sa mga Driver nga nalambigit sa disgrasya,samtang gitambagan ang Driver sa Pickup nga magpailawom usab sa Medical Examination.