Nakatakdang ilabas ngayong linggo ng Senate ways and means committee ang report kaugnay ng mga issues sa operasyon ng Philippine Offshore Gaming Operators o POGO.
Sa isang panayam, sinabi ni Senate ways and means panel chairman Senator Sherwin Gatchalian na target niyang mai-report ang rekomendasyon sa Martes o Miyerkules.
Noong Disyembre , nagsagawa umano ng review ang komite at mayroong mga nakitang bago na nais nilang pag-usapan sa committee hearing na itinakda ngayong araw.
Sinabi ng Senador na mas mabuting dalhin ang issues sa isang pagdinig sa para sa pagiging patas at transparency , katulad ng issue paano nagbabayad ng income tax ang mga dayuhang nagtatrabaho sa POGOs.
Samantala, inihayag ni Gatchalian na mahalaga ang isang third-party auditor dahil masisiguro nito ang transparency sa mga kita ng POGOs sa bansa.//CA