DILI mahimong makamaneho og sakyanan ang drayber sa transportation cooperative nga wala nabakunahan batok Covid-19.
Kini ang mandu ni ret Col. Paterno Renato Padua, regional director sa Land Transportation Franchising ang Regulatory Board (LTFRB)- 12.
Matud ni Padua, gimandu kaniya nila ngadto sa mga labaw sa 41 ka transport cooperative ug mga bus companies sa rehiyon.
Sa karon naa na sa syento porsyento nga empleyado sa mga bus company ang nabakunahan na batok sa virus.
Padayon ang ihap sa mga drayber sa transport cooperative nga nagpabakuna na, daghan usab ang nakapa-booster shots.
Samtang giklaro ni Padua nga sa karon wala pa gipatuman sa rehiyon ang no vaccination, no ride policy sa mga pampublikong sakyanan.
Apan abli sila sa posibleng nga mapatuman kini, ugaling mohangyo ang LGU’s ug aprubahan sa National Inter- Agency Task Force on Covid-19 (NIATF). I Richel Gubalani